成立於1983年嘅Swatch，其成名之作並非普普通通嘅一隻腕錶，而係於1984年整咗隻13噸重、162米高、入埋健力士世界紀錄嘅錶，再掛喺法蘭克福的德國商業銀行總部外牆。再加上上世紀八十年代嘅燦爛文化，令「1984年」成為品牌重要嘅一年。而佢哋最新推出嘅1984 Reloaded系列，就係用1984年做主題啦。

1984 Reloaded系列總共有紅、黑、白、黃、灰五色，其中紅、黑、灰為41mm嘅New Gent型號 (HK$720)，而白、黃兩色就係34mm嘅Gent 型號 (HK$640)，錶面設計亦以80年代為主、特別值得一提嘅係黃色嘅Gent款，就係當年Swatch掛上德國商業銀行總部外牆嗰隻巨型錶嘅縮細版。

五款腕錶都用上Swatch今年推出嘅BIOCERAMIC物料，由三分之二陶瓷成分與三分之一生物來源物料成分共同組成，又彈又韌之餘觸感亦非常順滑，製作時嘅碳排放亦更低。

另外Swatch亦推出向反現代主義的佼佼者孟菲斯致敬嘅特別套裝，簡單黎講就係將原本係New Gent嘅灰色款變成Gent、原本係Gent嘅白色款變成New Gent。售價為HK$1,360。