{ SKIP }
文:MenClub 魏文青  
POSTED ON 03 Nov 2021

由兩位「香港仔」Kit Cheung與Joseph Cheung創立、以香港特色白蘭花為基調嘅氈酒「白蘭樹下」自推出後就大受歡迎,更曾經一酒難求。團隊亦再接再勵推出新作「淡墨」,更係全球首支無糖咖啡甜酒。

「淡墨」一詞來於日本藝術及中國山水畫,極簡而言之就即係由墨稀釋出黎嘅灰色,表現出淡泊清寂。「白蘭樹下」團隊話呢種「灰」係代表緊「過去兩年對香港沉澱下來的情緒」。而現實層面中嘅淡墨,其實就係以「白蘭樹下」氈酒為基礎,再注入咖啡豆風味嘅咖啡甜酒。

「淡墨」嘅特色有兩個,第一係其每個批次都會與世界各地不同嘅咖啡烘焙師合作,亦即係每批都會用上不同產地、風味嘅咖啡豆,令味道有所不同。目前推出嘅第一批就搵黎本地咖啡品牌《Urban Coffee Roaster》創辦人暨本年度 Coffee in Good Spirits 比賽香港冠軍Gary Au合作,由其選一批出來自埃塞俄比亞、100%香港本地焙製嘅咖啡豆,再由「白蘭樹下」團隊以自家研發嘅雙重冷淬取方式,將咖啡豆嘅花果香帶入「淡墨」之中。

而另一個特色,就係「無糖」。團隊使用低熱量天然甜味劑Natvia代替傳統甜酒中嘅白糖,除咗令其卡路里只有一般甜酒嘅1/4、糖份比例比Vodka仲要低20%之外,亦令「淡墨」無需沖調就可純飲。當然亦可以選擇簡單加入Tonic Water、又或調成胵尾酒,甚至用黎整Tiramisu都可以。

另外「淡墨」採用「白蘭樹下」標誌性嘅長身方瓶,並邀請本地異體書法家「賣字」提字,以構成半透明酒貼,並隨瓶內黑色酒體變少而慢慢變白。

淡墨首批2000支將於11月3日起至11月30日於官網接受預訂,預售價HK$468,之後就會於荃灣南豐紗廠中嘅丹丘蒸留所,及中環街市白蘭樹下門市有售,售價為HK$528。另外由11月4日起,逢星期四至亦會於丹丘蒸留所舉行45分鐘嘅Tasting Workshop。有興趣嘅大家可以留意。

一般潛水錶的防水能力大概為一兩百米,但絕大部份人隻潛水錶唯一掂到水嘅機會,就係去完廁所洗手嗰下。由此可見腕錶嘅潛水能力從來都不在「潛水時實唔實用」,而係展現品牌工藝有幾高超。既然如此,一百幾廿米呢啲「 ...
watchesandwine
【腕錶】深潛11,000米 Rolex推 OYSTER PERPETUAL DEEPSEA CHALLENGE
02 Nov 2022
隨住各國放寬旅遊限制,香港政府又 (緩慢地) 放寬防疫措施,相信唔少香港人都急不及特想出國旅遊,又或者於香港搵個好地方與老友聚聚。日前「The Worlds 50 Best Bars」就發表2022年度名單,除咗為大家嘅下個旅行目 ...
watchesandwine
【酒吧】世界50最佳酒吧 巴塞羅那Paradiso首奪冠 香港Coa排17
06 Oct 2022