CASIO G-SHOCK推出嘅「農家橡樹」GA-2100系列近年再牽起一股電子錶熱潮，品牌亦力推女性市場，繼2021年推出女性向嘅「GMA-S2100」系列後，最新又推出更嬌小、顏色更柔和嘅「GMA-P2100」系列，或者會係大家嘅情人節禮物選擇之一？

搵黎韓國女團ITZY擔任代言人

其實不論係「GMA-S2100」定「GMA-P2100」系列，都係以原裝農家橡樹為藍本，所以標誌性嘅八角錶圈依然保留，功能上亦如出一轍。最大嘅分別，係「GMA-S2100」嘅整體尺吋比原裝小6%，而「GMA-P2100」比起「GMA-S2100」又再小6%。一兩二去就即係「GMA-P2100」比原裝小超過10%，錶殼闊度僅為40.2mm，同時錶帶亦短咗近10mm，能腕錶更適合手腕纖瘦嘅女性。

顏色方面，「GMA-P2100」採用 Tone on Tone 單色配色，分別有綠松石藍、亮粉紅及白色，而且時標亦由玫瑰金改成一致色彩，與本來已經係女性化嘅「GMA-S2100」相比更為青春。同時售價亦與原裝睇齊，定為HK$980。

順帶一提，CASIO同時仲為原裝農家橡樹推出三隻新色，分別為白、螢光黃，以及比起女裝隻「綠松石藍」更藍嘅「綠松石」。明顯就係想大家買黎做情侶錶。