葡萄酒飲家實會明白，開Wine唔似開威士忌，你開咗唔會擺得耐。以防佢變味，都係要盡快飲完佢；又或者一餐飯入面，朋友A、B各自想開唔同嘅酒，咁唔通要開哂兩枝? 最近有個新發明，一次過解決以上兩個問題，佢就係Kuvée Smart Wine Bottle。

Kuvée係一套過嘅system嚟，黑色嘅電子酒樽，仲有銀色嘅專屬葡萄酒系列，當你將黑色電子樽套上去銀色葡萄酒嘅時候，(好似Condom咁用啫)，銀色樽會自動解鎖，咁你就可以倒啲酒出嚟，當除返個黑色套，Sorry，係個黑色樽嘅時候，葡萄酒會重新被鎖上，保證無空氣入到去，咁支酒就可以Keep到30日啦。

黑色樽身有個touch screen，你可以用佢查閱葡萄酒資料，仲可以check枝酒有幾多剩。呢個樽亦都提供online purchase服務，等你即時輕鬆補貨。

話得係新發明，當然有啲未完善嘅地方，首先佢地必須使用自家銀色樽葡萄酒，而個list暫時係得48支 (持繼增加中)。仲有，用電的事物必然會無電，所以Kuvée酒樽係需要叉電嘅，滿電嘅情況之下可以用6個鐘，順帶一提，佢用嘅係內置電池，自己係無得換電。

而家Pre-order Starter Pack做緊 $199美金，有興趣嘅朋友不妨上佢地個官網 http://www.kuvee.com/index.html 訂購，遲吓有報告記得PM我地。