今年Vinexpo正式開幕，因為很重要，所以我係咁講。香港自實施葡萄酒零關稅之後 (呢個要多謝唐唐)，幾年間已發展成為可與倫敦等地並肩嘅葡萄酒交易樞紐，Vinexpo亦正正顯出咗香港於葡萄酒市場嘅地位同重要性。你會發覺我都出頗多關於飲Wine嘅資訊，其主因亦與此有關，香港成為世界級葡萄酒重鎮已是擺在眼前嘅事實，身為有型有品嘅男士，又點可以唔識呢?

朝早開幕舞龍舞獅唔少得啦，啲高層嘅名唔逐個數啦，反正認唔到都唔太重要。今年嘅Badge都派得幾嚴謹，查證程序亦夠仔細，唔知係咪吸收咗以前經驗，想Vinexpo更加聚焦於業內人士嘅交流之上，例如importers, distributors, wholesalers, retailers and off- and on-trade buyers 之類嘅networking工作。至於我呢啲純綷為偷酒飲嘅傳媒，大會之中亦是陪襯。

今日已經有非常多好似得去嘅 Master Class，「Burgundy Stars and Newcomers」、「Champagne’s Great Terroirs」、「South of France Hidden Gems」等等，佢地唔單止有試酒環節，仲會深入講解某地區、品牌嘅業務發展，等場內朋友知道商機何在，而我當然亦會留意價格發展，因為抵飲先係飲家最關心嘅事。

雖然Wine係主角，但vinexpo係包埋一堆spirits brands，甚至連日本Suntory嘅Sake都會有，咁問題會變成，喺入面試酒嘅人好大機會溝酒飲，紅、白、香檳、清酒、威士忌、伏特加、Gin、Rum….. 數得出都有，但你又唔會見到3、4點蘭桂坊執屍嘅情況架喎，呢啲咪就係「專業人士」囉。(佢地本身好飲得，亦會split酒以減少酒精intake)