Sherry Wine 香港人比較少飲，但其實葡萄酒之中，佢都係非常受歡迎，又可以賣得好貴嘅酒品。最近就有一批號稱係全球最貴嘅雪莉酒嚟到香港，限量 100 枝。由西班牙頂級 winemaker Barbadillo 於19世紀釀製，而家由家族珍藏嘅酒桶之中，精挑面世，極盡珍稀，非常收藏價值。

可能你有聽過送酒做禮拜，要送人地出生嘅年份，其實呢一 set sherry 都係出生賀禮嚟嘅，前 Barbadillo Director Manuel Barbadillo 就係出生於 1981 年，咁個家族嘅傳統就係送成個世紀咁舊嘅美國橡木桶，佢地有個名叫“Los Niños”，英文譯做 The Children’s Casks。百幾年嘅雪莉酒，我都唔敢想象係有咩味道，可以肯定嘅係酒色會好深，果味、橡木桶味道會非常之濃郁。

每一枝 Masterpiece 都有相應嘅酒瓶去襯托佢尊貴嘅地位，而Barbadillo Vesos 1891 嘅酒瓶亦係精製水晶配上黃金，而瓶頸位亦有手繪鉑金標飾，最外層盒亦係西班牙皮料所造。咁到底呢一 set 地上最貴嘅 Sherry 要幾錢呢? 佢每枝嘅標價係GB£8,000，即係大約 HK$89,450 ! 噢，還好，比今年嗰隻 Rolex Daytona 還要平。