仲有一個月巴西奧運會就會正式開始，但呢個熾熱嘅氣氛已經席捲到香港啦！Omega 呢3款新錶，靈感來自 Copacabana 海灘行人路上面，經典嘅格仔波浪圖案，飾於錶盤之上，突顯出里約熱內盧熾熱奔放嘅風情。

錶殼直徑41.5mm，以光面同磨砂不鏽鋼鑄造，錶底蓋鑲有防磨損藍寶石水晶鏡面，內裡搭載自家 Omega Master Co-Axial 8500 同軸機芯，其強大嘅防磁性甚至能夠抵禦15,000 Gauss嘅強大磁場，相當可靠。

3款錶分別係藍、黑、銀色錶盤，其中藍、黑兩色嘅小時刻度、指針同Omega標誌都用咗18K金鑄造，指針同小時刻度亦經過夜光塗層處理；而銀面嗰隻，就係用鍍銠處理代替18K金物料。3款錶潛水深度都達到15巴，即150米，而家大中華區全線專門店都已經有得賣啦。