一齊做小精靈掌門人《Pokemon Go》起動！

文：MenClub 魏文青　　
POSTED ON 06 Jul 2016

今日，係一個注定要用比卡超聲講嘢嘅日子！因為大家期待已久、融合現實世界同虛擬世界嘅手機Game 《Pokemon GO》終於上架啦！雖然未出香港版，但網上已經有粉絲準備好哂APK，禁幾個掣download之後，你都可以踏上小精靈掌門人之路啦！

《Pokemon Go》係一款以真實世界做舞台、等大家於現實世界中捕捉小精靈嘅遊。只要開著個App，佢就會用手機嘅定位資料話你知身邊會唔會有小精靈出現，之後就可以選擇對戰，再用精靈球捕捉精靈，目的盲當然係收集所有小精靈，完成精靈圖鑑啦！
圖片：https://apkpure.com/pok%C3%A9mon-go/com.nianticlabs.pokemongo
目前上架嘅版本係澳洲版，而經過網友試驗，相信課金會係非常重要嘅一環。因為捉小精靈要有精靈球，要買精靈球就要用Game入面嘅貨幣「PokeCoin」，而要有PokeCoin，最簡單方便快捷嘅方法就係課金。目前澳洲版最平嘅課金選項係1.49澳元(約8.6HKD)買100 PokeCoin，而100 PokeCoin就可以買到20個普通精靈球。另外仲有吸引野生小精靈嘅香水、增加經驗嘅幸運蛋同道具升級等等。簡單啲就係全部都係錢呀！
圖片：[iOS/AN] 【全城首發】《Pokemon GO》iOS+APK下載澳洲搶先上架，香港一樣玩到！
講多無謂！大家都係快啲Download落黎，開始踏上成為精靈掌門人嘅旅程啦！
Pokemon GO Facebook 粉絲頁下載方法：[iOS/AN] 【全城首發】《Pokemon GO》iOS+APK下載澳洲搶先上架，香港一樣玩到！