唔好以為時間會冷眼旁觀，隨著年復年、日復日嘅無聲消逝，一切生活都被時間見證，所以我地先咁重視鐘錶嘅工藝。BAUME & MERCIER名士始創於1830年，無疑係擁有悠久歷史，但歲月不單無造成因循包袱，反令佢地更具創新精神，呢隻最新嘅巔峰之作 — 克里頓萬年曆Clifton Perpetual Calendar就係一次精彩演繹。

Clifton Perpetual Calendar，為經典嘅Clifton系列，加入百年不閏嘅大萬年曆錶款。腕錶可以依照西曆有31日、30日、28同埋29日嘅月份自動調整日期、星期、月份，仲有月相盈虧，同時自動計算長短不同嘅月份、閏年周期，「百年不閏、四百年再閏」，去到2100年3月1日之前，完全不需要人手調校。

大萬年歷向來係頂級機械錶技術，結合「天文」複雜功能，精確測量所有西曆月份變化，Clifton Perpetual Calendar嘅強大表現來自Dubois Depraz 5100進化而成嘅Vaucher 5401型自動上鏈機芯。機芯配備高達1,461日，即4年時間嘅「機械記憶」，夾板點綴咗日內瓦飾紋，底盤有圓形麥粒飾紋、藍鋼螺絲。

睇埋陳坤嘅示範，真係無得彈！

43mm，18K紅金錶殼，配備藍寶石水晶玻璃錶背，完整見到機芯運作，Vaucher 5401型自動上鏈機芯，每小時振頻為21,600次，擁有42小時嘅動力儲存。奶白色盤面於視覺上比較簡單，容易突出重點，3點位日期顯示，9點鐘位置為星期顯示，而月份同閏年則設置於12點鐘位。襯返黑色鱷魚皮、18K紅金扣嘅錶帶，Clifton Perpetual Calendar都只係做緊HK$ 173,000，即使係複雜之極，仍不離親民路線，果然係名士風格！