當年《One Piece》講到艾斯死嘅時候，好多人都大崩潰表示接受唔到，但事隔咁耐，都唯有面對現實，承認艾斯之死，即便如此，對好多粉絲而言，艾斯嘅死都係一個好大嘅遺憾。而適逢《One Piece》20週年，尾田榮一郎似乎都想安慰一下讀者，決定推出紀念專刊《ONE PIECE MAGAZINE VOL1》，創造個平行時空，改寫艾斯死亡嘅歷史！

當年艾斯為咗保護路飛，膽粗粗用身體去擋住赤犬嘅岩漿拳，結果傷重身亡。而《ONE PIECE MAGAZINE VOL1》嘅故事入面，喺艾斯就快被打中嘅時候，薩波及時出現，救咗佢兩個！