有人話愛情係盲目的，盲目到對另一半嘅惡劣行為都麻木了。但事實上，我想講……唔‧L‧係‧囉！當女朋友做以下28種行為時，真係好XYZ乞人憎囉！巴打們對以下行為又有冇不爽嘅共鳴？

1. 隨隨便便同人爆自己嘅私密事，例如食女朋友啲M。
2. 一鬧交就上Facebook係咁呻，企圖獲得一班姊妹同狗公十卜。
3. 稍有不滿就搬出前男友同你比較。
4. 無論做咩同點做，都挑剔你做得唔好。
5. 一直逼問你阿媽同我跌落海會救邊個先。
6. 咩聚會都嘈住要跟住去，一啲私人空間都冇。
7. 一直逼你扮電影、偶像劇裡面嘅浪漫情節或台詞，例如要你好似都敏俊咁識瞬間轉移。
8. 出門出十世都未出到，買個早餐都要黐假眼睫毛。
9. 一鬧交就走咗去，打電話死都唔接，但唔打畀佢你會死得更慘。
10. 咩事都唔講出口，當正你係佢肚裡面條蟲咁，知係應該嘅，唔知就係唔愛佢。
11. 只要男友同異性有接觸，就將對方當第三者係咁明示同暗示對方唔好。
12. 將夢境當真，醒咗就發你脾氣話你拋棄佢搞外遇點點點，最後你要為自己冇做過嘅事情道歉。
13. 同其他男仔搞小曖昧來逼男友在乎自己。
14. 太大女人主義，覺得自己講乜都啱，睇唔起男友。
15. 唔識睇場合做人，郁啲就大庭廣眾當眾翻臉耍任性。
16. 偷偷Del你珍藏已久嘅AV。
17. 買任何嘢都要批評，硬係覺得你好冇品味。
18. 只要有人打電話嚟就一直追問係邊個，見到你有新嘢就一直追問邊個送。
19. 唔諗吓係咪自己有錯又唔好好溝通，一嚟就擺出自己最委屈嘅受害者樣。
20. 假大方話︰「唔緊要～」、「冇所謂」，但心裡明明勁不爽，當下扮冇事之後就發脾氣。
21. 女友介入工作，話你應該要點做，又干涉你專工、調職、創業嘅決定。
22. 成日同路上、螢幕上及前女友比較，死都要你答邊個靚啲。
23. 強迫你喺銀包放合照，手機Wall Paper、Profile Pic乜都要換成佢啲相。
24. 覺得自己永遠都唔會錯，都係其他人有問題。
25. 郁啲就講分手。
26. 太優柔寡斷，你畀咩意見都Ban，但自己又講唔出想點。
27. 故意誇大事情嚴重性或謊報意外想男友擔心。
28. 愛記仇翻舊帳，一件事可以拎出嚟嘈10次，兩件事冇關聯都可以照拉埋嚟講。