結果真係估佢唔到，以為戀愛大過天嘅女性實鬼咁掛住初戀，點知睇返成個調查，發覺男人更有心肝，平均各個年齡層都係男士比女士更想念初戀，唔通初戀對女人而言先係「舊屎」？！

調查結果除咗發覺男士對初戀更有本心外，仲發覺年紀愈大，似乎愈多男人記掛初戀。20幾歲嘅男士當中，有21.1%男士會掛住初戀；60幾歲嘅男士當中，就有39.9%男士會掛住初戀。究竟係因為同另一半都行埋咁耐，冇咗新鮮感，先咁miss初戀丫？定因為男人去到幾多歲，都掛住十八廿二嘅妹妹（當年初戀嘅歲數）呢？真係要問問男士們先知喇。