作為休刊界之王，冨樫肯乖乖地工作兩個幾月，實屬難得，不過知佢路數嘅粉絲絕對唔會咁易被呢啲表象所蒙騙，畫咗咁耐，係時候又話腰痛啦條友仔！

而最新一期《週刊少年Jump》嘅《HUNTER×HUNTER》第369話，標題正正係「限界」，意思即係「極限」，就引起日本網民討論，笑9冨樫借題暗示自己勤力咗咁耐已經到極限，加上適逢冨樫目前《HUNTER×HUNTER》新連載又夠出一卷漫畫單行本嘅份量，跟本就係「腰痛」嘅好時機！