{ SKIP }
文:MenClub Mean娜  圖:互聯網
POSTED ON 24 Oct 2017

問親啲女人想食咩,最怕就係答你︰「無所謂。」、「是但啦。」、「都可以。」……如果句「無所謂」真係「無所謂」都算,最難頂係次次句「無所謂」都唔係真心,當你答佢︰「咁食M記/茶記/大排檔」時,立即黑你面又得,得咗。不過唔只港女有呢個「無所謂」通病,其實日本妹一樣都有!日本網站mynavi就曾經請251位女性做過一個調查,睇下女性口中嘅「無所謂」有幾成真成成假。

情境題︰當男友問想食咩,曾經答過「無所謂」嗎?


結果估佢唔到,只得39.4%女女答過「無所謂」!至於呢39.4%嘅女女當中,有幾多真係覺得食咩都「無所謂」呢?當中就有87.9%女女係真心覺得係咩都得,而12.1%女女就口不對心,把口話無所謂,實際上就唔係咁諗。

明明實際上就唔係「無所謂」,點解仲要答「無所謂」呢?女女們就話喇︰

1.個人比較「小女人」,想將主導權交畀男方。
2.自己諗唔到食咩,希望男友可以畀啲提議自己揀。
3.懶係就得人,雖然心入面有想食嘅嘢,但都會照講︰「無所謂」。
4.希望男友喺了解自己喜好嘅情況下,好貼心咁選擇自己會喜歡嘅食物。

不過相信對男人而言,除非真係真心無所謂,如果唔係,不如直接講想食乜會更加討人喜歡。

世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022