香港地少人多寸土尺金（係，係寸土尺金唔係尺土寸金），有幾多人真係可以順順利利上車結婚？大部分香港人結婚後都要住返娘家，要老婆同老母迫埋同一屋簷下，雖則話大家都係女人，應該有啲話題傾吓，但喺家嫂同奶奶嘅關係上，幾乎係冇「傾得埋」呢三隻字，世世代代有幾多婆媳糾紛一直未解決！就算作為仔仔嘅你深感自己老母好仁慈好易話為，自己老婆又好賢良淑德唔頂嘴，但老母同老婆一碰頭，就硬係火星撞地球咁，究竟點解會咁？！

台灣PTT嘅WomenTalk版上，就有位網友QBby向男士做個測試，要男士們將心比己，假如有朝一日，你哋要同岳父岳母住，又接受到以下幾多情況呢？玩完呢個測試，可能你哋就會明白點解老婆會咁唔想同奶奶一齊住。