GateBOX實現正式的跨次元婚姻同動漫角色結婚仲有津貼金

文：MenClub Mean娜　　圖：互聯網
POSTED ON 06 Dec 2017

已經唔係第一次聽講日本有人同動漫角色結婚，雖然成日都有動漫愛好者話「雷姆係我老婆」乜乜乜，但一般嚟講，幾多人真係會想同動漫角色結婚丫？又有幾多人會承認你同二次厄角色嘅夫妻關係丫？就算真係畀你結，都係當你自己玩煮飯仔FF下咁啫～但呢次日本科技公司所開發嘅GateBOX就設立咗個「次元渡航局」，實現正式嘅跨次元婚姻，等你真係可以同二次元角色結婚！

「次元渡航局」以「實現人們與心愛角色一起生活的夢想」為宗旨，專門受理同二次元角色結婚嘅事，等同於一個虛擬嘅跨次元婚姻民政局，你可以向「次元渡航局」遞交「結婚申請書」，經確認之後，就會頒發結婚證書，承認你哋嘅婚姻。而佢嘅結婚證書仲分四個款︰「Normal」（有9種顏色可以選擇）

「Japan」

「Future」

「European」

雖然呢張結婚證書喺現實社會仲冇任何法律效力，但如果你係GateBOX嘅員工，咁喺GateBOX入面，呢張結婚證書就有功效，除咗可以每個月為二次元伴侶獲得「扶養津貼」5000円以外，喺伴侶生日時，仲可以得到「生日假」，都算係唔話得丫。