兄弟間的明爭暗鬥迪士尼開拍「白馬王子」真人電影

文：MenClub Mean娜　　圖：互聯網
POSTED ON 14 Dec 2017

一直以嚟迪士尼大部分故事都係以公主為重心，嗰個面目模糊嘅「白馬王子」都只係配角，Who Fxxing Cares？不過家下就傳出迪士尼終於Cares呢位「白馬王子」（Prince Charming），唔單只為佢開拍真人版電影，仲請來Stephen Chbosky執導，似乎個勢都勁勁地咁話喎！

聽聞呢次「白馬王子」真人版電影會將白馬王子立體化，唔再係傳統公主電影入面，嗰個郁啲就對公主一見鍾情，跟住就同公主大團圓結局嘅平面角色，而係將重點放喺白馬王子同兄弟間，預計應該係充滿愛恨情仇、為王位爭奪一番嘅故事掛？（估下唔好當真）。而今次電影嘅製作陣容除咗由Stephen Chbosky執導之外，仲搵咗David Elliot Hoberma以及Todd Lieberman擔任製片人，由Matt Foget撰寫電影劇本。雖然暫時仲得好少資料，不過以「白馬王子」為主角呢個Idea，聽落都幾有趣嘅。