其實呢種畀空間對方嘅相處方法，對女女而言，無疑係相處得更舒服，一來唔會咄咄逼人煩到人，二來女人其實都好似男人咁，鍾意挑戰下難度（齋「食」唔計）。女人都會覺得自動送上門嘅人太易得到，冇咩興趣受佢溝之餘，仲可能會睇唔起個男人，覺得佢圍住自己四圍轉太狗公唔夠Man；相反，有自己生活嘅男人，喺女性眼中睇落會覺得更有魅力，更想攻略佢令對方喜歡上自己，久而久之，喺無壓力又唔會睇唔起個男人嘅情況下，得閒傾下得閒傾下，傾傾下，咁就食到。

不過～唔係真係教你做人要花心，做個唔專一嘅男人，而係要提提大家，即使係溝女，都唔需要好似冇自己生活咁，迫得對方太緊，以對方為中心咁為對方打轉，畀時間女女慢慢累積對你嘅感覺，當佢普通朋友咁相處，反而更容易可以同對方愈行愈近。