{ SKIP }
文:MenClub Mean娜  圖:互聯網
POSTED ON 19 Dec 2017


男人同女人嘅愛情模式其實都幾唔同,可能因為傳統觀念話畀我地聽,男人對愛情要主動積極,猶如猛火;而女人對愛情要矜持謹慎,宛如溫火,所以大部分男性一遇到喜歡嘅對象,都會立刻展開猛烈攻勢,而女性遇到心儀對象,都會陰啲陰啲慢慢溝慢慢暗示。不過點解即使巴打你係咁向女神示好,女神都仲係成日已讀不回冇反應,甚至Block Q咗你呢?唔通專一面對喜歡嘅人都有錯?!Um……唔怕話你知,可能真係有錯呀!




成日都話,點解啲花心嘅玩家咁多女,而專一嘅乖仔就溝唔到女,仲要淪為二等兵,除咗因為女女本身對你無興趣之外,可能就係因為你「未夠花心」。點解咁講?除非條女本身就冧你,如果唔係假設對方對你嘅好感值係0嘅時候,想佢對你增加好感,唔係一劈頭就落重藥咁簡單,好多女女都係要好似細火慢煮咁,慢慢去同人培養感情,假如你一黎就Chur得好盡係咁向女女示好,條女好大機會會覺得你︰「煩」、「以為自己係邊個」、「咁chur好恐怖」、「又唔係老奉要應你」等等,久而久之,直頭唔L想覆你,於是就會出現已讀不回嘅情況,而同一時間,你亦會因為女女唔應你而變得更不安,更著緊對方,造成愈迫愈緊嘅惡性循環。不過如果你夠花心,識得多線發展,唔係將全部心思放晒落一條女度,自然識得自己走位,唔會將對方迫得太緊。今日A女女唔理你,咪搵B女女,聽日B女女唔理你,咪搵C女女,到A女女得閒無聊時搵你,你又唔會覺得對方隔好耐先Show你咁Hard feeling,因為你中間仲有同其他女人Flirt有得攝時間,唔會專注於A女女冷落你幾耐。



其實呢種畀空間對方嘅相處方法,對女女而言,無疑係相處得更舒服,一來唔會咄咄逼人煩到人,二來女人其實都好似男人咁,鍾意挑戰下難度(齋「食」唔計)。女人都會覺得自動送上門嘅人太易得到,冇咩興趣受佢溝之餘,仲可能會睇唔起個男人,覺得佢圍住自己四圍轉太狗公唔夠Man;相反,有自己生活嘅男人,喺女性眼中睇落會覺得更有魅力,更想攻略佢令對方喜歡上自己,久而久之,喺無壓力又唔會睇唔起個男人嘅情況下,得閒傾下得閒傾下,傾傾下,咁就食到。


不過~唔係真係教你做人要花心,做個唔專一嘅男人,而係要提提大家,即使係溝女,都唔需要好似冇自己生活咁,迫得對方太緊,以對方為中心咁為對方打轉,畀時間女女慢慢累積對你嘅感覺,當佢普通朋友咁相處,反而更容易可以同對方愈行愈近。


記得細個讀書時,數學老師用咗成堂時間黎介紹平均數 (mean)、眾數 (mode) 及中位數 (Median)嘅差別,當時我心諗「咪又係表達緊個中間值,使咩分到咁清呀?」但日前一名研究日本文化嘅Twitter用家,就完美地展現咗錯 ...
gags
【趣聞】統計的應用 「日本人平均只有0.97粒睪丸」成Twitter熱話
22 Apr 2022
據外媒《Fox News》報導,位置美國猶他州嘅西敏大學(Westminster College)將於2022-2023學年開設一門名為「Porn」嘅選修課,旨在透過色情電影探討種族、階級及性別議題,同學完成課程後即可獲得2學分。 圖 ...
gags
【學術研究】美國大學開設「Porn」課程 透過色情片探討種族、階級及性別議題
22 Apr 2022