單身男注意！與世隔絕「神秘女兒國」全球招親！

文：MenClub Mean娜　　圖：互聯網
POSTED ON 06 Oct 2014

雖然歌仔都有得你唱︰「其實毒L一個更開心，駛乜你講……」但我知你心底裡依然有一絲希望，希望終有一日可以投入溫柔鄉嘅懷抱。Maybe，你喺香港呢個地方唔係搶手貨，但Hey～Bro～！呢個世界依然有一個地方，極度需要你呢個男人！

巴西東南部有一個叫「Noiva Do Cordeiro」嘅小鎮，正在公開向全球單身男士招親，希望佢哋嚟到呢個「神秘女兒國」成家立業。「Noiva Do Cordeiro」位於里約熱內盧(Rio de Janeiro)北方482公里，話說呢個女兒國，大部分成年男子都外出工作，當地幾乎只剩下女性，小鎮裡嘅女性超過600人，而佢哋們年齡介乎20到35歲之間。呢度嘅女性有自己做事嘅方法，自己經營小鎮經濟、耕作農地、蓋房子等等。

以前並冇外人留意呢條小鎮，但由於鎮內男性實在太少，所以佢哋正式向全世界嘅毒L，啊，唔係，係單身漢發出邀請，歡迎佢哋娶妻。當地其中一名女士Rosalee Fernandes更話︰「我哋喺鎮上認識嘅男性，唔係親戚就係結咗婚，我好耐冇親吻過男人，我哋都夢想能墜入愛河，然後完成終身大事。」Wow！講到咁出面，擺明Welcome你啦！



自從佢哋公開「要搵老公」嘅消息，就吸引咗全世界男人嘅注目。喺佢哋們公告消息後，小鎮唯一對外公開嘅電話，喺24小時內響了超過1,000次。而佢哋嘅Facebook粉絲專頁上，亦由原先500個Like，暴增到15,000個Like，仲有上百個單身男子留言，表示自己嘅身分、並想要搵個女孩成親。
不過佢哋都表示，唔想離開家鄉去外頭搵老公，所以希望過來嘅男性能夠成為小鎮嘅一分子，並且必須接受佢哋原本嘅生活模式，一起生活。