{ SKIP }
文:MenClub Mean娜  圖:互聯網
POSTED ON 10 Jan 2018

職場上做細嘅好多時都要聽上司點,雖然上司可能工作經驗比自己多,但上司嘅說話又係咪真係咁聽得入耳呢?喺社會打滾得耐,就會發現唔係個個上司都真心令人佩服,好多時一啖砂糖一啖屎,更多嘅係令人反晒白眼。就好似日本curazy網站一系列關於上司下屬嘅漫畫,聽到啲上司講「有心今日就做得晒」、「有咩就嚟問我」,往往都係得反白眼呢個反應。



「你只要照我講嘅咁做就得!」
當你依自己想法做嘢時,上司通常都睇唔順眼,會話:「呢啲咩嚟架?你只要照著我講咁做就得喇!」但當你真係完全照佢咁做,佢又會話︰「你真係完全照我咁做,唔會自己用下腦架喎!」

「呢啲都係為咗以後做準備」
有時上司會畀埋啲無無謂謂嘅嘢自己做,仲講到雖然單Job好細,但係一切都係為之後嘅大Job做準備……不過好多時之後都唔會有大Job做。

「我係為你好先咁講」
實係啦,明明係想我乖乖哋聽你點先咁講。

「有咩問題即管問我」
好多上司都會好似好好人咁,叫你有咩問題即管問佢,但當你真係咩都問佢時,佢就會話︰「下?連呢啲都要問我?你自己唔識諗下架?」

「你不想做就同我走!」
但如果你真係照佢講咁走嘅話……「你竟然真係夠膽同我走?!」

「我會考慮下」
當你有咩意見想同上司提出時,雖然佢話就話︰「我會考慮下」,但好多時佢講完都算,冇真係用腦去諗下。


「只要有心今日就做得晒」
但好多時工作量太多就係工作量太多,有心都唔會一日做得晒囉。


「交畀你處理」

好多時上司唔想理啲麻煩嘢,就話「交畀你處理」,但交低完唔啱佢心水又要鬧你做咩唔問佢……說好的「交畀我處理」呢?



「今日就唔好分上司下屬,大家玩得開心啲!」
實係咁啦!
世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022