{ SKIP }
文:MenClub Mean娜  圖:互聯網
POSTED ON 26 Jan 2018

「童年時逢開窗 便會望見會飛大象……」唔少人都慨嘆,人大咗,少了童真,少了快樂,但其實我哋成長路途中冇一件事喺白過,佢會成為我哋嘅經歷,令我哋更明白做人處世嘅道理。


享受獨處
就好似細個會害怕一個人,覺得一個人好冇安全感,硬係要埋堆。但長大後,反而會享受一個人嘅時間,明白與其夾硬參加應酬嘅聚會,不如自己一個做喜歡嘅事更來得快樂。

避免衝突
以前細個年少氣盛,覺得緊握宗旨最緊要,堅持做自己想做嘅事,講自己想講嘅嘢,有時少不免會得罪人,但都未驚過。不過長大就會知,好多嘢冇分對錯,不同人會有不同立場,變得更識思考,亦更識為大局著想。

認清朋友
年輕時阿豬阿狗都覺得係朋友,話就話咩事都要互撐,但大難臨頭就各自飛,真正留喺你身邊嘅朋友又有幾個?到長大先明白,其實朋友唔需要多,只要係知己,就算得一個都足夠。

重視私隱
以前覺得咩都要同人share,如果唔係就唔夠老友,唔夠相信對方。但其實每個人都有唔想講出口嘅事,唔話你知,唔代表唔重視你,只係大家都更明白,每個人都需要一點私隱,唔需要同人交代。

施比受好
雖然成日都聽「施比受更有福」,但細個硬係覺得有人益自己係著數啲開心啲,可能大個咗都會有呢種念頭,不過再細心諗諗,如果自己有能力去益人,點都係更幸福嘅一個。

世界上最遙遠的距離,可能就係相愛卻不能相見嘅異地戀!最近淘寶就出現一款「異地戀接吻神器」,即使此天各一方,亦能夠感受對方嘴唇觸感,幫助情侶維持感情熱度。 據中國傳媒報導,近期淘寶出現一款 ...
gags
【奇趣】Long D救星?淘寶驚見「異地戀接吻神器」
21 Feb 2023
唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022