「絆愛」（日語：キズナアイ；英語：Kizuna AI）係一個日本虛擬偶像同埋影音部落客創作者，經營YouTube頻道「A.I.Channel」同「A.I.Games」，被視為世界上第一個虛擬YouTuber。「絆愛」嘅影片內容形式同其他真人YouTuber相似，包括主持討論、答覆問題、遊戲實況等等。由於「絆愛」非常之萌，而且年輕漂亮，個性又活潑可愛，仲有把甜美嘅聲，所以吸引唔少粉絲，由2016年底現身至今，YouTube訂閱用戶已經累積超過140萬人，不過原來官方仲諗住幫「絆愛」出埋寫真集，認真誇張！

「絆愛」第一本寫真集經已發售，目前喺日本Amazon展開預購，不過聽聞呢個圖像並唔係正式封面，真正嘅寫真會係不一樣嘅設計，仲有特典情報。

估唔到而家連虛擬偶像Youtuber都可以出埋寫真集，畀著係你又有冇興趣買先？