「C」，對於好多男士們黎講係一種虛無縹緲、不能捉摸的存在，好多人會考張沙紙連C都冇隻，更加唔好講可以手執一對C級。而比C更上一級的D，喺iPad片地嘅香港就更加係傳說一般嘅存在。你試下出去識新朋友，你自我介紹「我叫魏文青」，人哋根本就唔會記得你；但如果你話「我(條女)有一對D」，佢唔單止成世都記得你，仲肯定向你投以艷羨嘅目光！

不過D級呢家嘢，同粉紅色_ _一樣，都係可遇不可求。而如果我哋呢啲iPad用家想試下D級究竟係咩手感，除咗周街揸人(我都好想但唔得！係犯法嘅！唔好試OK?) 之外，仲有咩方法？有日本網站就列出幾個在現實生活中可行的代替品，不如你又試下？

1. 拜拜肉

拜拜肉的構造基本上與女性胸部相似(當然沒有乳線)，同樣柔軟而且富有彈性。想要獲得最住手感，你應由下往上揉。但此方法的最大問題究竟應該揉邊個嘅拜拜肉：揸自己感覺好可憐，揸其他男人又好基，揸女人…咁不如揸過隔離！

2. 飲用果凍

在日本比較盛行的飲用「食」品。包裝內的是大約180g的啫喱，在質感與重量上都跟一個大幾200g的D級胸部差不多，理論上亦可以加熱來完美質感。但最大的問題是因為啫喱會碎所以不能用力揉下去！！可恨！

3. 包

有飲過茶都知道其實一啲都唔似。勉強黎講形狀、大小、溫度甚至回彈力方面都算合格，但柔軟度是硬傷。唉，如果一個大包能夠代替D Cup，就唔會有咁多茶樓執笠啦！

4. 冷凍膠

由吸水聚合物製成的膠狀物。回彈力非常好，而且柔軟的質地亦與胸部相似。但缺點是缺乏厚重感。

5. 車

當然唔係叫你真係去「揸」架車，而係當你張架車開到60km/h，再張手伸出窗，根據流體力學的方程式，你手中風的觸感就同手拎一個33D，重200g嘅胸部一樣！而根據車速，你仲可以調整觸感，例如30km/h大概是A Cup，100km/h就係E Cup！缺點除咗有啲危險同可能會比人抄牌之外，就係全香港唯一可以盡情享受嘅地方大概得入機場條北大嶼山公路，花時間之餘油錢都唔平！