{ SKIP }
文:米  圖:互聯網
POSTED ON 31 Oct 2018

日本FamilyMart推出過唔少創意食品,例如薄荷朱古力菠蘿包、布丁蛋糕三文治等等,呢期佢又有新搞作,就係食得又玩得嘅「1/9機會辣辣麵包」!

呢款「1/9機會辣辣麵包」其實係叫「パンでロシアンルーレット」,意味係用麵包玩俄羅斯輪盤。所謂「俄羅斯輪盤」其實本來係一種自殺式玩命遊戲,相傳源於俄羅斯,參與者要喺左輪手槍嘅六個彈巢裡面放入一粒子彈,然後關上再將彈巢旋轉,之後輪流將槍口對住自己個頭按下扳機,直至有人中槍,或者有人唔敢按下扳機為止。而呢個「パンでロシアンルーレット」嘅玩法就當然冇咁殘暴,只不過係喺九個麵包當中放入一個超辣麵包,睇下邊個食中咁啫。

「パンでロシアンルーレット」裡面一共有四個朱古力口味麵包、四個奶油口味麵包,同一個芥末口味麵包,單從外表睇,係無法分出麵包口味,一定要食落先知自己有冇瀨嘢!相信成班friend一齊當早餐咁又玩又食呢款包,實相當刺激啫!

如果巴打平時鍾意食拉麵,又鍾意食日式叉燒,不妨去千葉呢間拉麵店「ラーメンダイニング絆」試試佢!
gags
食肉獸必試!日本重量級「銀河叉燒拉麵」
27 Jun 2019
有冇勇者可以試試佢先?!
gags
日本惡搞品客薯片!自製「薄荷朱古力」新口味
24 Jun 2019