{ SKIP }
文:MenClub 魏文青  
POSTED ON 01 Nov 2018
近日日本兵庫縣發生咗一單小竊案,一個18歲嘅女子高校喺一間車站店舖到偷咗36000Yen(約2500HKD)嘢,最後當然被人拉咗。就咁睇你可能以為呢單只係叛逆女學生嘅頑劣表現,但睇真啲你就會發現呢個女仔好有可能係個好學生黎——因為佢偷嘅係書!仲要係參考書!
示意圖片
話說於當地時間29日傍晚,呢位女高中生就去到明石市一個火車站前嘅書店,逗留良久後冇買到任何嘢就走咗;同一晚稍夜時份佢又再一次去到呢間書店,結果引起店員懷疑,上前查看就發現原來佢準備偷書,報警後發現原來佢第一次黎已經偷走咗10本書,第二次準備偷多15本,總值36000Yen。令人驚訝嘅係佢偷嘅唔係漫畫、雜誌、小說,而係如《有趣理解指數、對數》等嘅中學課程參考書!警方亦指佢偷黎真係學習自用而非轉售!即係呢個女仔其實係一心求知識,堪稱係個「雅賊」!
示意圖
我唔知大家幾耐冇真真正正拎過一本實體書上手,而偷書呢家嘢我對上一次聽到已經係中學讀《孔乙己》課文嘅年代。現時睇實體書嘅人越黎越少,鍾意到會去偷嘅人就更加「難能可貴」,仲要係偷參考書就更加係萬中無一。據知該女生因為冇錢買參考書於是唯有偷,而由於牽涉金額太大不能酌情處理,已被當地警方正式拘捕。
Blog.esuteru.com
如果巴打平時鍾意食拉麵,又鍾意食日式叉燒,不妨去千葉呢間拉麵店「ラーメンダイニング絆」試試佢!
gags
食肉獸必試!日本重量級「銀河叉燒拉麵」
27 Jun 2019
有冇勇者可以試試佢先?!
gags
日本惡搞品客薯片!自製「薄荷朱古力」新口味
24 Jun 2019