1. 腋下品味專家

大熱天時最怕就係「狐仙」，真係聞到都想死，何況呢份仲係你份工！但在澳洲的Peta Joones，其工作就係不停去聞陌生人的胳肋底－因為佢喺一間止汗劑生產商中擔任開發的工作，生產包括Dove、Lynx、Impulse等多個澳洲Unilever旗下的止汗劑品牌。

咁為咗測試自己生產嘅止汗劑和其他止汗劑嘅功效，又有咩好得過真係搵個人黎聞呢？

2. 犯罪現場清潔員

每次睇啲偵探片，你可能伯留意到個偵探、法醫、鑑證人員甚至係條屍本身，但你應該從來都冇諗過，當班「人」風風光光咁離開之後，究竟係邊個清理個現場？

居於美國奧蘭多的Mike與Carmen就是一對犯罪現場清潔員夫婦(我真係好好奇佢哋放工返屋企會傾啲咩呢)，他們表示最難頂的是大熱天時與「它」困在同一架車裏－有些味道是空氣清新劑都清新唔到的。

3. 餵蚊者

於巴西熱帶雨林工作的研究人員Helge Zieler，每日的工作就係畀蚊咬，無他嘅，鬼叫佢研究嘅就係蚊咩！佢更加指除咗有一次試過感染瘧疾之外，其實都冇咩唔好呀！你呢份人真係樂觀！

4. 寵物食物試食員

當貓貓狗狗變得比人更加矜貴，咁佢哋食嘅嘢就自然要更加講究。但一隻正常嘅狗又冇理由識得同你講份狗糧究竟咩味、咩口感，於是你需要如Simon Allison呢種人才！

Simon的工作就係為馬莎試食旗下的寵物食品，而且非常熱愛自己的工作：「只要不吞就可以了。」幾有原則！

5. 地下水道潛水員

講起潛水，正常人會諗起天朗氣清、藍天白雲之下潛落清澈通透嘅海入面睇珊瑚，幾咁悠閒幾咁寫意。但對Julo Cu Camara來說，潛水唔單止冇以上的特點，仲有啲臭！

作為墨西哥城的地下水道潛水員，Julio的工作是清理、維修城市中各大小下水道。即意味住佢要揹住將近40KG的裝備，穿越於各種各樣的廢物之中。而最長時間的紀錄為6小時。

經常置身於城市食物鍊最底端的Julio亦曾經喺下水道見過由煙頭而至馬、豬、車、傢私和雪櫃等等等等的大小事物，當中最差的是見到人。

6. 臀部清潔工

大家都知日本的相撲手係幾咁有份量，雖然其龐大的身體有助爭取好成績，但喺日常生活中亦會帶來好多不便，例如去廁所。由於身體肥胖，相撲手根本就摸唔到自己的臀部，更加唔好講如廁後的清潔功夫。以往的相撲手會使喚後輩為自己「善後」，但由於近年日本政府基於人權而禁止這種行為，相撲手唯有花錢請人來幫手。

睇完呢幾份奇工，係咪覺得自己份工其實都唔差呢？你話你都有幫你老細清潔臀部？佢仲係一個臀部靈魂？咁就真係要轉工啦！