{ SKIP }
文:米  圖:互聯網
POSTED ON 12 Dec 2018

2018年好多名人都離世,令人感到非常惋惜,而就喺早幾日,澳洲都有位明星去世,佢就係明星袋鼠「Roger」。就咁講明星袋鼠「Roger」可能你會唔知係邊個,不過提到網上成日見到嘅爆肌袋鼠,你就一定有啲印象,「Roger」最出名嘅,就係佢一身比其他袋鼠更強壯更結實嘅肌肉,2015年時佢嘅「徒手捏爆鐵桶相」,更引起網民關注,令佢成為澳洲最矚目嘅袋鼠。

肌肉袋鼠Roger係來自澳洲The Kangaroo Sanctuary Alice Springs,飼主係Chris Barnes。2006年嘅時候,Roger嘅媽媽喺高速公路上被車撞死,於是Roger就被人帶去庇護所,由Chris Barnes照顧佢。起初Roger寶寶都同其他袋鼠BB一樣,細細粒,鬼咁可愛,但大個之後,Roger就開始變得同其他袋鼠唔同。雖然澳洲袋鼠普遍都大大隻,但Roger係明顯地比其他袋鼠更強壯,壯年時期佢嘅體重更達至90公斤,而且仲大力過成年男人,佢張「徒手捏爆鐵桶相」,就係喺佢9歲時候影嘅相,以袋鼠平均十年壽命嚟講,當時Roger已經算好高齡,但依然係咁Fit!

不過隨住年紀愈大,呢身肌肉亦成Roger嘅負擔,2016年底,Roger飽受關節炎嘅痛苦,到早幾日更因年老離世。不過飼主Chris Barnes就表示,Roger離世前食慾好好,唔係痛苦咁離去,叫大家都唔好太傷心喇。

如果巴打平時鍾意食拉麵,又鍾意食日式叉燒,不妨去千葉呢間拉麵店「ラーメンダイニング絆」試試佢!
gags
食肉獸必試!日本重量級「銀河叉燒拉麵」
27 Jun 2019
有冇勇者可以試試佢先?!
gags
日本惡搞品客薯片!自製「薄荷朱古力」新口味
24 Jun 2019