成日都話高手在民間，日本網友更加係臥虎藏龍，Twitter上不乏見到網友開心Share佢哋嘅神手作，今次呢個神手作仲威到連日本大型電影公司「東映」都Share埋一份，就知幾咁巴閉！皆因呢位網友整嘅手作正正就係「東映片頭風景模型」！

日本網友Jade（@jad_ko）平時鍾意整手工，特別擅長製作樹脂作品，今次佢就還原咗「東映片頭」，由於作品太出色，就連「東映」都Share佢嘅「東映片頭風景模型」。

單係製作浪花已經絞盡腦汁，不過亦無阻Jade嘅熱誠，最後成品果然非常之靚！

「東映」如果要出紀念品，完全可以考慮同Jade合作呀！