{ SKIP }
文:米  圖:互聯網
POSTED ON 05 Mar 2019

鍾意一個人可以好簡單,但原來要瞬間討厭一個人亦都唔難!日本電視節目「ランク王国」就曾經喺原宿街頭邀請咗300名女生做訪問,以「對喜歡對象幻滅嘅瞬間」為主題,睇下對日本女生而言,咩行為會令佢哋對喜歡對象嘅好感度轉眼間直插谷底!

第10位 「自大狂」- 9人
成日自我感覺良好,覺得自己一定啱晒,總係比別人優秀,見到又真係會幾令人反感。


第9位 「令人煩厭嘅態度」- 10人
有啲人成日婆婆媽媽,對任何事情都意外地執著糾纏,就算係女仔見到都會覺得佢勁煩。

第8位 「冷漠」- 12人
雖然有人偏好冷漠嘅男生,認為咁樣好有個性,但大部分女仔都認為過份冷淡就太冇人情味。

第7位 「容易偷食 」- 14人
即使更喜歡對方,相信發現喜歡對象原來係個容易偷食嘅人,任何人都會對佢感到失望。

第6位 「惡言相向」 - 15人
人人都鍾意聽善意嘅說話,假如對方每次開口都會惡言相向,絕對會對佢印象分大減!

第5位 「價值觀不同」 - 19人
兩個人要順利喺埋一齊,除咗鍾意嘅感覺之外,仲需要其他元素,當中價值觀相似就係重要嘅一環!假如二人價值觀相差太遠,就會覺得對方難以理解,甚至不能接受。

第4位 「冇同理心」 - 20人
如果對方非常自私,對另一半冇同理心,任何事都以自己為優先,唔替對方著想,很難令人對佢繼續保持好感。

第3位 「唔鍾意乾淨」 - 35人
基本上冇女仔唔鍾意乾淨整潔嘅男仔。假如見到男生指甲太長又唔修剪,或者係衣領好黃,都會認為對方好污糟,喺心入面大大扣分。

第2位 「餐桌禮儀太差」 - 46人
好多女生都會介意男生食嘢時嘅樣,比如咀嚼時有冇發出怪聲,會唔會食嘢食到周圍都係等等,假如對方餐桌禮儀太差,會認為對方冇文化。

第1位 「對店員態度差」 - 59人
好多女生都好著重呢點,因為假如男生對「追求者以外嘅人」態度唔好,就可以睇出佢係唔係一個冇禮貌、心胸狹窄嘅人。

要胸肌有胸肌,要腹肌有腹肌,女女想點攬就點攬!
gags
代替你任女友魚肉 韓國肌肉猛男抱枕
22 May 2019
你哋又覺得當中邊個嘅童顏最可愛呢?
gags
變晒「超級小朋友」童顏Filter惡搞「復仇者聯盟」
20 May 2019