{ SKIP }
文:米  圖:互聯網
POSTED ON 01 May 2019

日本剛剛由「平成」年號改為「令和」年號,唔少人都感慨時代嘅變遷,齊齊緬懷「平成」嘅一點一滴,就連空氣都唔放過!唔好講笑,大阪專門製作創意雜貨嘅「ヘソプロダクション」就為咗紀念「平成」時代,製作出「平成空氣罐頭」,仲認真地公開發售,老老實實,有幾多人真係會買呢?!

「ヘソプロダクション」一向都創作出唔唔少有趣雜貨,而今次呢個「平成空氣罐頭」就喺網上引起話題,原來佢所裝住嘅「平成」時代空氣一啲都唔馬虎,係特登去到日本平成村(岐阜縣關市)去裝啲空氣返黎!話說當日本年號由「昭和」改為「平成」嘅時候,平成村係當時全國唯一同年號同名(漢字相同但讀音唔同)嘅地名因而受到矚目,更因此特別建造咗一個「元號橋(年號橋)」去紀念。而呢個「平成空氣罐頭」嘅空氣就係喺「元號橋」上面收集,係咪好有誠意先?!

另外,「平成空氣罐頭」裡面仲放咗象徵「緣份」嘅5日圓硬幣(因為讀音同「緣份」一樣)。雖然成件事好似懶有意義咁,但唔少人都覺得呢個「平成空氣罐頭」只係得個空氣同5日圓硬幣,但就要賣成1080日圓,似乎有啲貴,質疑呢樣嘢係咪真係賣得出……

如果巴打們見到呢個「平成空氣罐頭」,又會唔會有興趣買呢?

有冇勇者可以試試佢先?!
gags
日本惡搞品客薯片!自製「薄荷朱古力」新口味
24 Jun 2019
如果唔講國家名,你哋又估唔估到佢哋係畫緊邊個國家嘅國旗呢?
gags
為東京奧運作準備 繪師發起「國旗擬人化」創作
19 Jun 2019