iPhone自出娘胎就一直過著「命運就算顛沛流離 命運就算曲折離奇」嘅生活，縱使有一班忠實果迷潮撐iPhone嘅子子孫孫，但係世上總有一群PK有錢人，好玩唔玩係要玩殘啲電話，進行一連串變態嘅極端實驗，去測試iPhone嘅底線可以去到幾盡。

你睇呢Pat同爛屎冇分別嘅iPhone！！

佢就係畀外國一個知名影音網站嘅用戶TechRax玩死咗！嗚呼哀哉！呢條友先將可樂倒入平底鍋，再放喺爐上煮滾，跟住再將iPhone 6慢慢放入鍋內，影片中，iPhone 6螢幕短暫出現溫度過高嘅警告訊息，之後立刻被濃濃嘅黑色可樂漿吞噬，場面極其核突，十足異形片咁。過程中，TechRax用湯匙將iPhone6撈起嚟查看，發現佢出現變色情形，仲冒出濃煙。

TechRax最後將iPhone 6取出，刮除表面黑色糖漿後，發現按鈕同插口都已經無法使用，眾人爭相搶購嘅iPhone 6正式化為一塊廢鐵。正一仆街仔！一齊睇佢點折磨部機啦！