我認為新一代都市型男，有兩樣嘢係無分年齡都一定要保持嘅良好習慣－第一係打機，第二係打飛機。無他嘅，作為一個男人當然要有情緒嘅宣洩，打機釋放你嘅精神、打飛機放鬆你嘅身體，根本就係人之常情！

可惜啲女人總係唔明。你打機又話你哂時間，不如陪佢傾下今日呀同事Brabara同Diana又買咗咩新衫、呀Michelle同Daisy又去咗邊旅行；如果佢發現你打飛機佢仲會話你唔愛佢、話你有第二個！大哥我隻手跟咗我幾廿年，嚴格上你先係第三者呀嘈嘈嘈！

不過咁，唔係所有女人都咁唔了解男人。今個聖誕，喺外國就發生咗一件非常感人嘅事。話說片中的男友係一個機迷（睇個樣都睇得出啦），已經儲咗好耐錢想買部PS4，但後來因為啲錢用咗去第二度，所以PS4夢碎。佢女朋友有見及此，就決定送返部PS4比佢！然後你睇個男仔嘅反應！係咪好感動先！

你知唔知最感動個位係咩呢？就係當你諗返起今個聖誕你又出錢又出心又出力慶祝完之後，你收到嘅係一個價值$238蚊嘅iPad套，仲要又樣衰又厚……我唔係講我自己呀，我都冇iPad嘅！

有iPad Mini咋嘛……