{ SKIP }
文:米  圖:互聯網
POSTED ON 14 Jun 2019

由細到大都聽人話「男子漢流血不流淚」,但如果你知道喊都可以幫助減肥嘅話,呢個夏天你又會唔會覺得自己係可以大條道理流下男兒淚先?

話說一項最新研究指出,其實喊係可以幫助減肥,喺你喊嘅時候,身體會消耗卡路里並抑制飲食慾望,從而有助減肥。雖然傳統社會會認為男人唔應該咁易流淚,但就好似電影《Inside out》咁講,有時候我哋都要容許自己釋放負面情緒,喊會幫我哋同時釋放賀爾蒙並且調整皮質醇水準,宣洩情緒嘅時候都會將體內毒素排除,喺生理同心理上都有好大幫助。

而壓力專家博士Pete Sulack亦表示,喊嘅時候眼淚中嘅壓力荷爾蒙釋放出嚟,就可以降低皮質醇,皮質醇減少會令身體冇咁易儲存脂肪,同時亦會降低對食物嘅慾望,間接減少熱量攝取。

但唔好以為所有眼淚都可以幫助減肥,原來眼淚都分三種,一種係用於潤滑眼球嘅基礎性眼淚,另一種係用嚟保護眼睛不受刺激嘅反射性眼淚,最後就係傷心時嘅情感眼淚,其中情感眼淚包含20-25%蛋白質同多種賀爾蒙,所以要減肥就要用流到情感眼淚先有用。

不過呢期香港咁多傷心事發生,要大家為香港流下情感眼淚,都應該唔難……

唔少人應該都試過買衫中伏,尤其買平衫呢中伏機率就特別高!不過大多數人中伏,都係因為件衫黎到著上身同睇圖相差好遠,好少有人係著上身冇事,除嗰陣先中伏。 桐沢たえ係一名以「水上庭」為筆名出版小說嘅日本作家 ...
gags
【笑】日本美女作家「被困」旗袍 三張圖由性感變顏藝
30 Jul 2020
呢個係咪飲奶群組…定瀨嘢群組
gags
【有毒呀啲奶】傳北海道風俗孃心口播毒 可能接觸600人
26 Jul 2020