惻隱之心，人皆有之，所以面對可憐兮兮同可愛兮兮嘅貓貓狗狗，同佢無親都會錫到佢燶，甘心做佢哋嘅奴隸。但面對木口木面，淨係識口擘擘嘅金魚，你又會唔會肯做隻金魚奴先？

可能你對住條木咀金魚，真係話知佢死。嗱！呢啲就叫冇愛心喇！真正有愛心嘅人，應該連條金魚有便秘都誓要醫好佢！

繼澳洲有主人帶生腦腫瘤嘅金魚去獸醫醫院求診做手術後，英國亦有主人帶著心愛嘅便秘金魚做手術，盛惠300英鎊（約3600港元）。