係，我係呃咗你入黎！因為雖然呢條片係的而且確係有哂「日本」、「四大」、「巨乳」同「赤裸」，但我冇講嘅係佢四個都係男人黎－－再準確啲，係四個相撲手。

嗱嗱嗱嗱嗱！！唔係問候我娘親住！因為我都係愛害者黎架！你睇咗段片先！

話說日本DocomoHealthcare出咗條運動手帶「Move Band」，可以同你計步數、移動距離、卡路里消耗、睡眠時間同質素等等等等，基本上就即係同小米手帶又或者近期好多人講嘅Fitband！而為咗宣傳，佢哋冇抽司長水，而係搵黎四名現役相撲手「豊ノ島関」、「臥牙丸関」、「旭日松関」、「天鎧鵬関」拍咗以上呢條片。條片喺日本見街之後，日本網民就用「巨乳」、「赤裸」等字眼引人中伏，而我就係受害者之一！

咁作為中華民族嘅熱血青年，緊係要將日本仔嘅陰謀詭計話比各位父老知！所以我唔單止冇過，我仲有功架我！不過唔使多謝我架啦！大家兄弟在心中得架啦！