早幾年個社會仲講緊咩80後、90後的世代鬥爭，估唔到「咋」一聲，所謂嘅80後有一半已經踏入「三張嘢」。講起上黎，「三十歲」對於一個男人黎講，係被賦予好多不同意義的歲數：例如你到咗三十歲，大家都覺得自己應該要修心養性、應該要事業有成；應該有女喺手、應該識投資炒樓，而最最最重要嘅就應該唔使倚賴交通工具！

但真正嘅三十歲，就有如係一早一晚的地鐵車廂傳來的臭屁一樣，都係來得無聲無息、鬼鬼祟祟。當中唔會有升Lv特效，唔會有技能點數，只有到你發現自己身在其中、泥足深陷的一聲嘆息。又或者具體啲咁講，就係當你遇到以下嘅情況時：