連載近廿年小五郎被迷暈多少次？

文：MenClub 魏文青　　圖：互聯網
POSTED ON 23 Jan 2015

作為與「金田一」齊名、現代日本漫畫兩大死神之一的「名偵探柯南」大家都應該認識。咁大家應該都好清楚佢用小朋友之身搜集證據，再推理，再用隻迷暈針手錶射低毛利小五郎再破案嘅套路！咁我問下大家，你估由1996年至今，連載接近廿年，出版咗接近90本單行本，超過910話故事入面，毛利小五郎比柯南射暈過幾多次？比一張圖嘅時間你諗。

根據日本網友以漫畫版人肉計算（即係逐次數）得出嘅答係:52次！係咪比你想像中少好多呢！網友指截止2014年尾的最後一話(915話)，柯南的迷暈針手錶曾經對83個人使用過，其中最多的毛利小五郎52次、小五郎不在場就到佢嘅園子12次、山村刑警3次、服部，柯南自己，灰原哀，小蘭各一次，再加上各路人雜魚12次！即係平均每十話都射唔到一次！

有讀者可能會奇怪，點解條數會咁少嘅呢？因為到後期柯南已經唔太需要用到「毛利小五郎」黎做推理。「少年偵探團」出場次數越多，柯南就可以用「阿笠」博士做推理，而博士識自己「咪咀」，所以唔使出迷暈針，再加上用高樑解開APTX4869的藥性變返新一推理、甚至用小朋友真身登場通通都有，令到迷暈手錶的出場率越黎越低，甚至在過去一年都冇射過！

講開，作者青山剛昌喺2012年講過，枸南大概會在1000話之前完結，計返即係唔夠兩年時間就完…希望係啦！