「Fashion嘅嘢，你識條春咩你！」雖然MenClub一路都有教大家點打扮、點著衫，但講起「Fashion」，有時連我哋都會懷疑自己真係「春都唔識多條」。例如美國時裝設計師Rick Owens的2015秋冬時裝展，我就睇唔透。

以「性」、「赤裸」為時裝的主題、包裝，我哋見怪不怪，但佢嘅AW2015作品，刻意在衣服上加上一個個「空洞」，令男模在天橋上行走時，跨下小鳥若隱若現，將赤裸變成「時裝」嘅一部份。咁就唔係「識條春」咁簡單，真係見到「春」喎！

Rick Owens過去的設計都有以「性」做題材，例如2014秋冬系列的寫真，佢就搵黎SM攝影師Rick Castro拍攝，並且「獻出」自己「年僅」93歲的老父赤裸上陣，為時裝可謂犧牲良多。