已經12歲高齡嘅Marnie過去係一隻遭遺棄嘅流浪狗，兩年前被當地動物機構帶到收留所，當時義工發現佢又髒又臭，口腔14隻牙全部爛晒，獸醫亦發現佢左眼失明，十分可憐，更慘被取名叫Stinky「臭臭」。

除了失明，Marnie亦有一個特徵，佢條脷太長而長時間伸出來，身體與頭部亦微微傾斜，令不少人都覺得佢睇起來十分奇怪而無人領養。

直至今年遇到來自紐約Shirley Braha，佢對年老寵物特別照顧，最終帶走Marnie。經過Shirley細心照顧，Marnie左眼竟然慢慢恢復視力，但身體與頭部仍然傾斜，相信係疾病所致的後遺症。