對文青黎講，《龍珠》入面嘅布洛尼(港台譯「布羅利」)係好特別嘅存在。第一，因為佢係本文青第一隻擁有嘅正版《龍珠》劇埸版VCD，甚有紀念價值；第二，就係因為隻碟係文青老母買嘅，所以係大陸版，隻碟名都變咗做《五大超西爾人》，呢個亦係文青第一次知道「超西」呢個詞。當然啦，布洛尼一揪四都幾乎打贏，佢嘅實力都係不容置疑嘅！

華人Youtuber 「Jordan Tseng」之前都有拍過好多「Stop Motion」動畫。今次拍嘅《七龍珠 布羅利 VS 悟空與我》，就係用悟空同布洛尼嘅Figure，再加上定格動畫技術拍攝而成。仲有疑似Jordan Tseng本人亂入！而佢哋打贏布洛尼嘅方法竟然係靠廁所…？一齊黎睇啦！