相信大家就算未經歷過，都知道以前互聯網未普及嗰陣，上一輩想接觸色情資訊只可以幫襯「一百蚊四隻，愈睇愈大隻」或「龍虎X」雜誌等等，邊似得依家可以上網任睇。最近日本就有位女網友整理亡父書房嗰陣，偶然發現地板暗藏神秘密室，起初佢仲諗入面會唔會收埋咗條屍等奇怪想法，點知一打開就見到大量成人光碟、遊戲卡帶、疑似中古Rolex等「珍貴遺產」。

死んだ父親の部屋を整理中、カーペットをめくった下から「この家が建って以来、家族の誰もその存在を知らなかった地下収納」が現れました。こえー…「私たちが父親だと思ってた人が成り代わるために殺した本物」の死体が出てきたらどうしよう。 pic.twitter.com/t9SJDX3fid

— 白樺香澄 (@kasumishirakaba) August 20, 2021

根據Twitter女網友「白樺香澄」所講，由於全家人都唔知道屋企有個咁嘅暗格，所以發現嗰陣都好驚訝，期後佢亦大方分享所搵到嘅寶物，例如《吸淫力〜史上最強のワイセツ〜豊丸》、《巨乳8人色物語》以及《スーパーカップ オッパイの逆襲》等成人光碟，任天堂紅白機遊戲《轉轉樂園》卡帶等。

可能唔少網友都有唔小心搵到爸爸「珍藏」嘅經歷，所以篇文引起大家共嗚，至今共獲得6萬多個Like以及接近3萬個Retweet，不過後來女網友為咗尊重爸爸名聲，就冇再公開更多相片，唔知大家又有冇試過唔小心發現到長輩嘅珍藏呢？