男士們有冇發覺，女朋友明明已經係大人，但拍拖時總會智商急降，問埋啲好難答的廢問題？即係「我今日有咩唔同？」、「我係唔係好肥呀？」、「你頭先有冇掛住我？」等等。

但最得人驚，都係2揀1嘅選擇題。最經典當然係︰「如果我同你阿媽一齊跌落海，你會救邊個先？」講真，呢條問題係難答，但好地地你阿媽同女朋友點會跌落海呢？所以9up吓都可以蒙混過關。照我話，生活中最難答，又最常遇到的選擇題，應該非佢莫屬——「工作緊要定我緊要？」

巴打你一定會話，係女人都希望男人事業有成，點會嫌你多嘢做呢？事實上，女人係希望你事業有成之餘，仲要成日陪佢。最好就係你唔駛做都有錢收，跟手用埋啲錢同時間喺你女人身上。當你事業大過天，唔得閒陪你女人時，佢當然會發晒矛，呢個時候，你應該點答？

結果發覺，「工作緊要定我緊要？」係最難答的問題。咁男嘉賓又點答呢？

曹世鎬：「現在這瞬間當然是妳最重要，明天有可能是工作重要...」