知人口面不知心? 女人個樣都冇忽真!

文：MenClub 魏文青　　圖：互聯網
POSTED ON 07 May 2015

「知人口面不知心」，通常係你女朋友個阿媽回應你女朋友話「呀強(即係你)係個好男仔！」時會用嘅對白，後面通常會搭多幾句「我做人做咗咁多年」、「睇人唔會睇錯」、「你識咗佢有幾耐？」等等等等。講出黎唔係叫大家學習，而係希望提醒你哋要與時並進！即係若然第時你個仔走黎同你「呀爸，Mary真係一個好女仔！」你就應該答「知人口面不知心，何況你其實未必知佢口面？」

是咁的，日本網民近日就熱傳一組韓國女仔落妝前後嘅相，最大嘅衝擊就係女仔只係用卸妝綿一抹，啲眼耳口鼻就全部唔見哂！唔講仲以為睇緊《畫皮》！禾巧京京哩～～～

你知道現今呢個世代「知人口面不知心」呢句說話有幾諷刺嗎？唔係在於你連啲女人嘅真正口面都未必知，而係在於其實佢仲有上一句「畫虎畫皮難畫骨」，不過呢句，就畀啲女人睇咁囉。