Mean娜唔似得魏文青咁鍾意嚇人，等到你除晒褲先畀你知事情的真相。冇錯，見到以上Topic，相信你個腦已經浮咗句︰這麼可愛 一定「又」是……男生。

要知道，今時今日呢個社會，不斷充斥男生女相的人，以及女生男相的人，搞到男女男男女，傻傻分不清。之不過有時可怕的是，有啲太可愛的男生，就算你知佢同你一樣，有蛋又有腸，都仲會對佢有心動的感覺。

泰國一位網友Nopparat Patikorn，就上傳咗一系列照片，照片中見到一個白白淨、笑容可愛，綁著低馬尾的大學生，大家都喺度討論「到底佢係男生定係女生」。

擺到明畫晒出腸，佢就當然係男生啦！照片中的主角叫Woe Jade（วรณัฐ สุขวณิช），係一個1996年出生的可愛小弟弟。

但就係因為佢真的太清純可愛，所以就算知道佢係男生，都有男網友對佢為之心動，於是覺得自己好變態……

睇真啲，佢無論樣貌、皮膚等等，都一樣咁精緻，可以話係一個大美人。