獨L一個更開心有女都情願一個

文：MenClub 魏文青　　
POSTED ON 11 Jul 2015

同條女朝見口晚見面，就算口水再多嘅男人都有冇嘢講嘅一日。然後你女人就會問你「做咩唔同我講嘢？你返工發生咩事？點解心不在弦？哦你一定係諗緊第二個女人！」大哥呀，我返份牛工，又唔係日日勇者鬥惡龍，邊Q有咁多故事同你分享呀！所以話，搵女最緊要搵個有胸空間嘅，唔會將你由內到外都Chur乾哂。問題係空間呢家嘢要幾大好？根據日本嘅問卷調查，睇黎就係越大越好啦。

日本手機程式設計公司「Timers」早前訪問咗473名戀愛中嘅男女，睇下佢哋同伴侶嘅相處之道。其中一題問道：「覺得獨處嘅時間係比較同情人一齊更加充實？」當中有成48.3%嘅受訪者認為獨處都係比較充實，第二嘅係35.7%嘅「普通」，而覺得同情人一齊更加充實嘅只有「16.1%」。

當問到「放假時會想自己一個過定係同情人過？」嘅時候，53.2%嘅人話自己實際上都係自己一個人過。而剩返嗰46.8%會同情人過嘅之中，有32.2%話自己考慮過自己一個過。即係話只有14.5%嘅人係實際上會而又想同情人過。

甚至連住埋一齊嘅情侶入面，都有成54.5%嘅人覺得需要有兩間房(作日常活動)。

但最奇怪嘅係，當講到使唔使分床瞓嘅時間，就有成57.1%嘅話從來冇咁諗過！即係話獨L一個更開心、放假都想一個人；上網又要分開房、但係瞓覺要一張床(好詩好詩)，咁咪即係話你溝條女返黎係為咗………