早前流行的壁咚，就係指男生將女生逼向牆壁嘅同時，手拍擊牆以圍住女生，並發出「咚」嘅聲音。呢個動作成日都會喺少女動漫及日劇當中出現，雖然現實中唔係好多女生，有機會嘗試被壁咚，但大家都好憧憬男神可以對自己試一次，點解？因為女生就係愛有點強勢嘅男人！！！壁咚呢個動作正正就係Man嘅表現。

不過原來除了壁咚，仲有好多動作，一樣可以打動女生嘅心！日刊《SPA!》就請來300位單身OL票選，有咩動作夠晒殺食！快啲嚟學嘢先！

從背後抱住女生（心動度︰87%）
比起正面抱住更有被保護嘅感覺，但男生注意，唔好「唔小心」用下體磨擦到對方，如果唔係會有反效果。

突然拉住女生手腕（心動度︰73）
人多時或者過馬路時，突然拉住女生手腕向前走，都係少女漫畫經常出現嘅情節，咁樣問都唔問嘅「突然」動作，會令女仔覺得個男仔好Man。

將女生嘅手放入自己衫袋保暖（心動度︰71%）
冬天時女仔隻手凍冰冰，呢個時候如果捉住女生嘅手，放入自己衫袋幫佢保暖，真係會勁冧豬，但係只限冬天囉。

用手溫暖女生臉頰或手（心動度︰71%）
溫暖手可以帶來拖手嘅錯覺，同樣溫暖臉頰都會令女生誤以為要接吻，忍唔住心如鹿撞。

抬下巴（心動度︰67%）
抬下巴嘅下一步就係要接吻了吧？呢個小動作又係引人遐想，搞到人勁緊張！

整亂女生頭髮（心動度︰61%）
其實女仔對頭部同頭髮等位置都好敏感，整亂頭髮一樣會有少少心動感覺，不過唔係個個女仔都接受畀人搞亂個頭。

拉女生手臂然後突然親吻（心動度︰60%）
又一個強勢嘅動作，但大前提係對方要鍾意你先會Buy你呢套。