波神有今日「QIAODAN」打贏「Jordan」

文：MenClub 魏文青　　
POSTED ON 30 Jul 2015

大家都知今日今日知識產權有幾咁重要，而要保護知識產權，最好嘅方法就係向當局注冊咗先。咁你話係咪注冊咗就好安全呢？答案係否定嘅！尤其當你面對嘅係「天朝」中國，就唔係架啦！

眾所9知，大陸淘寶冇假貨、大陸電話都冇抄人，所以喺大陸注冊嘅商標，就一定係大陸13 億好兒女嘅血汗創作，又豈容外國勢力說三道四呢？就好似大家喜愛嘅美國牌子「New Balance」咁，早前就係因為喺大陸用咗「新百倫」呢個名，就畀大陸嘅正牌「新百倫」舌佢侵權，仲賠咗9800萬人仔。

人家New Balance賣鞋賣咗過百年，黎到天朝都落得如此下場，得嗰區區三十年歷史嘅「Air Jordan」黎到天朝就當然更加冇佢符。美國Jordan近年不斷要求自命「民族品牌」嘅「喬丹體育(QIAODAN)」取消「QIAODAN」、「僑丹」、「橋丹」同「Michael Jordan王」呢啲注冊商標，好讓佢可以名正言順進軍中國。但既然「Jordan」黎自邪惡嘅資本主義帝國，一向最講法理嘅天朝緊係唔會比佢得逞！所以一審、二審都判「Jordan」敗訴，仲要畀返兩舊水人仔(約250港元)審理費。呢啲咪就係伸張正義囉，QIANDAN可？

啱架啦，啱架啦！呢個「Jordan」一日都黑都出啲貴到你唔會捨得著黎打波嘅所謂波鞋出黎呃人錢，係要畀啲教訓佢嘅！