1. 你覺唔覺我有咩唔同？

其實呢題就係「你覺唔覺我剪左頭髮？」、「你覺唔覺我換左唇膏」之類嘅含蓄版。事實上女仔剪頭髮，除非真係大改造，如果唔係好，好多時都只係修嗰幾寸，唔會容易察覺，所以呢啲問題真係跣死男朋友！就算你答佢「有唔同」，萬一你答唔出有咩唔同，一樣都係死............

2. 邊件衫好睇啲？

其實好多時佢心入面已經有咗答案，只係想睇吓你會唔會答中佢嘅心頭好。如果你答A件衫靚啲，佢又會話乜B唔好咩？B點點點，如果你即時改口答B，又會畀人寸，你頭先又話A靚啲？？...又係一條麻煩問題。

3. 我係唔係肥咗？

無論係咪真係肥咗，你都一定要答唔係，就算女朋友講幾多證據證明自己肥咗，你都要答唔係，如果唔係佢就會即時畀面色你睇。

4. 你覺得佢正唔正？

有時見到美女，女朋友可能會咁問你，呢個時候你一係就好假咁答佢唔正，一係你就要話，正，不過都係你正啲。唔......2個答案都好虛偽，但吹在女人就係鍾意聽呢啲。

5. 同我做係唔係最舒服？

就算你過去同其他人做，有幾咁正嘅性愛經驗，都一定唔可以坦白答佢，要話同佢做係最正，除非你想呢世都冇得再同女朋友做……

6. 你諗緊咩呀？

通常呢個時候，男生都係話「冇乜嘢」，事實上，好多時都真係冇乜嘢，只係發緊呆，有時真係諗啲無聊嘢，都覺得要解釋太麻煩，而話「冇乜嘢」。不過你咁答，女朋友就會猜疑，以為你諗前度等等負面嘢，所以最好都係求其搵個答案應佢好啲。