網上成日都流傳街上有奇怪嘅販賣機，唔似得香港，嚟嚟去去都係賣飲品呀、零食等等，其他國家更可能會賣咖哩、Pizza、漢堡等等，甚至有傳聞日本有賣「女友」嘅販賣機（其實係吹氣公仔？），真係令人大開眼界！最近英國每日郵報就話，原來英國街頭上都出咗一款新嘅販賣機，賣嘅唔係飲飲食食嘅東西，而係賣夏天嘅味道！咁神奇？即刻睇吓先！

報導就話，喺英國Slough Train Station 車站有一個新嘅販賣機，就咁睇，一樽樽，好似係賣飲品。

成日困喺Office嘅大忙人，想呼吸吓夏天氣息，最啱就係買返樽，索一索，成個人即刻開心晒！