當日上原亞衣喺DMM成人部編輯陪同下到訪清水健嘅咖哩店。一入到去亞衣BB就已經被濃濃嘅臭味攻到暈得一陣陣，當佢問到大廚(清水健當日不在場)呢啲臭味係咪佢整出黎嘅時候，呀大廚答佢：「係，琴日有風吹入黎我聞到陣味，連我自己都想死！」

正如之前所講，店內咖哩總共分成上中下三級，如果要白飯就要另外加錢。中下級會用日式馬桶形狀嘅碟上，上級就會用洋式馬桶。材料方面除咗之前公開嘅苦瓜、藥草、可可粉之外，原來仲有伊豆一帶嘅特產臭魚乾同魚嘅內臟……真係聽到都興奮…

終於到試食一刻！睇住亞衣BB將嗰匙「屎」放入口到，本來仲有兩分笑容嘅佢立刻擺出一個真係食到屎咁嘅表情。食第一啖就要求要杯水(但因為店主話一杯水要1000Yen所以放棄)、食第二啖就係咁話「好苦」，堅持到第三啖終於放棄。店家仲話同清水健聯手研發嘅呢兜屎咖哩，係完美重現「宿醉第二日的屎」嘅味道添！而且只要食一次，到你第二日嗝返出黎啖氣都係一樣有屎味！